BAGUIO CITY – Bimmaba ti bilang panagpasngay ditoy rehiyon Cordillera idi napalabas a tawen iti baet ti COVID-19 pandemic.
Inwaragawag daytoy ti Field Health Services Information System (FHSIS) ti Department of Health-Cordillera.
Sigun kenni Commission on Population-Cordillera Regional Director Magdalena Abellera, dumanon iti 26, 312 nga ina ti nagpasngay idi napalabas a tawen nu idileg idi tawen 2019 a nakailista iti 30, 437.
Kinunana a nailista ti Baguio City ti kangatoan a bilang ti nagpasngay a babbai, sinaruno ti Benguet, Apayao, Ifugao, Mt. Province, Kalinga ken Abra.
Inayonna pay a bimmaba ti nagpasngay kadagiti health facilities gapu iti amak a makaptan dagitoy iti COVID-19.
Nupay kasta, imbinglayna a manipud kadagiti nagpasngay nga ina, 46% wenno 2, 422 kadagitoy ket teenager nu sadinno agtawen iti 11-anyos agingga 12-anyos ti kaubbingan a nagpasngay.
