Dumanonen iti agarup 7,600 ti bilang dagiti Overseas Filipino Workers (OFWs) ken pamilya dagitoy ti natalged a napaawid iti pagilian a Pilipinas iti tenga ti agtultuloy a tensyon idiay Middle East.
Mainaig iti dayta, natalged ti panagsangpet dagiti kaudian a batch ti repatriates manipud Kuwait itay kanikadua.
Impasigurado met ti Department of Migrant Workers (DMW) a tunggal maysa kadakuada ket naipaayan ti tulong pinansyal, libre a transportasyon paawid kadagiti probinsyada, ken accomodation dagitoy.
Maibasar iti kaudian a rekord ti nasao ng ahensya, manipud Marso 5 agingga Abril 24 ita a tawen, dumanonen iti eksakto a 7,600 nga OFWs ken dependents dagitoy ti napaawid manipud Middle East.
Agtultuloy met ti panangtutok ti DMW ken Department of Foreign Affairs (DFA) ti sitwasyon idiay Middle East tapno dagosda nga asistaran dagiti Pilipino a kayatna nga agawid iti pagilian. //bombokaren.c.s
