Dumanonen iti uppat a pulo ket innem nga indibidual ti nailista ti Office of Civil Defense a pimmusay gapu iti Severe Tropical Storm Kristine.
Maibasar iti kaudian a datus, kaadoan kadagiti pimmusay ket manipud Bicol Region nga addaan iti dua pulo ket walo, simmaruno ti
Calabarzon nga addaan iti sangapulo ket lima.
Saggaysa met ti nailista a pimmusay idiay Ilocos Region, Central Luzon, ken Zamboanga Peninsula.
Iti agdama ket mabirbiruk paylaeng dagiti dua pulo nga indibidual nga immunan a naireport a mapukpukaw bayat a pito nga indibidual ti nailista a nadangran.
Impeksa met ni President Ferdinand Marcos Jr. ti pannakipagriknana kadagiti pamilya dagiti pimmusay gapu iti bagyo.
Imbilin metten ti presidente ti full mobilization ti military assets para iti relief operations tapno maipaayan iti kaskenan a tulong dagiti biktima.
