--Ads--
BAGUIO CITY – Nanayonan iti maysa ti bilang dagiti pimmusay iti COVID-19 iti Cordillera idi kalman.
Daytoy ket kalpasan a pimmusay ti maysa a pasiente iti nasao a sakit ditoy Baguio City
Maibasar pay iti datus ti Department of Health – Cordillera, nailista met ti 30 a nakarekober iti rehion idi kalman.
Manipud iti bilang dagiti naimbagan, nailista ti 22 ditoy siudad, sag- uppat iti Benguet ken Ifugao.
Nailista met ti 48 a kabarbaro a kaso, no sadino, 12 ti manipud Baguio City, 22 sadiay Benguet, 12 sadiay Kalinga ken duwa sadiay Mt. Province.
Dumanonen iti 5,471 ti pakabuklan a kaso ti COVID-19 ditoy rehion no sadino 410 ti aktibo a kaso, 5,000 dagiti nakarekober ken ti 61 a pimmusay gapu iti COVID-19.
