Kinumpirmar ti Office of the Civil Defense (OCD) a dumanonen iti uppat dagiti bilang dagiti pimmusay gapu iti epekto ti Bayong Luis, Maymya, ken ti Habagat.
Dua iti nasao a bilang ti pimmusay iti probinsya ti Benguet kalpasan a nagaburan ti pangpanganan dagitoy a restaurant bayat a ti dua pay ket pimmusay gapu iti maysa a rockslide idiay Rodriguez, Rizal.
Sigun iti nasao nga opisina, dumanonen metten iti 132,956 nga indibidual wenno 39,879 a pamilya manipud iti nagduduma a rehiyon iti pagilian ti naapektaran gapu iti saan a nasayaat a sasaaden ti panawen.
Kabayatanna, dumanon metten iti P3.59 Milyonen ti gatad dagiti naipaay nga ayuda kadagiti apektado a residente, bayat nga agtultulpy ti panagbantay ti nasao nga ahensya kadagiti posible nga apekto ti habagat ken Bagyong Dolphin nga ada iti ruwar ti Philippine Area of Responsibility. //bombokaren.c.sapirao
