Dumanonen iti 11 ti bilang dagiti pimmusay iti nagcollapse a building idiay Angeles City, Pampanga sigun iti Bureau of Fire Protection (BFP) Central Luzon.
Iti social media post ti nasoa nga opisina, kinimumpirmarda ti pannakasarak iti maika-11 a bangkay idi kalman, Mayo 31.
“Following the discovery, responders conducted debris removal and access operations utilizing heavy equipment to establish a safe entry route into the affected area,” sigun iti nasao a pablaakda.
Naala dagiti rescue personnel ti nasao a bangkay alas-10:33 ti rabii idi kalman.
Maipalagip nga immuna metlaeng nga inpakaammo ti BFP Central Luzon ti maika-sangapulo a bangkay alas-4:47 ti malem no sadino mabigbigbig pay laeng ti identidad daytoy.
Immunan a narekober iti nagsina a retrieval operations ti maikawalo ken siyam a pimmusay pasado alas dos ken pasado alas-tres ti malem.
Mannarimaan paylaeng ti pannakaisayangkat ti retrieval operations sadiay aramat dagiti heavy equipment ken manu-manu a panagkali dagiti rescuers. //bombokaren.c.sapirao
