Kinakurang ti specialized wildland firefighiing tools ti karit a sangsangwen ti Bureau of Fire Protection – Cordillera, nangruna ita a masansan ti uram iti rehion.
Sigun kenni FSINP Roy Cabanting, Chief Intelligence and Investigation Section, Operations Division ti BFP- CAR, kompletoda iti kagawaan para iti structural fire.
Nupay kasta, agkurkurangda iti kagawaan para iti forest fire a kas iti backpack sprayers, fire beaters, rake hoes, wildland pipe, fire resistant clothing, goggles ken masks.
Inlawlawag ni FSINP Cabanting a nadagsen dagiti kagaawan nga ar-armatenda iti structural fire isu’t gapuna a saanda unay nga aramaten iti forest fire.
Malaksid iti dayta, karit metlaeng iti nasao nga ahensiya ti limitado a supply ti dadum ken kagawaan para kadagiti naisulsuli a lugar.
Marigatanda metlang gaputa, awan ti off-road a fire trucks dagitoy ken agkurkurangda iti portable pumps ken dadduma pay.
Sigun kenni FSINP Cabanting, agkurkurangda iti manpower nangruna no agigiddan ken nalawa ti uram.
Karit metlaeng iti BFP-CAR ti nakapsot a signal ti radio, nangruna iti kabambantayan; kinakurang ti handheld radios, communiocation equipment, ken dadduma pay.
Maibasar iti panagsukimat ti nasao nga ahensiya,nakapuy ti inter-agency coordination, naladaw a mobilization dagiti support units ken ti in-active wenno untrained Barangay fire brigades (BFB) ti nakitada metlaeng a kinakurang.
Iti baet dagiti karit a sangsangwen ti nasao nga ahensiya, impeksa ni FSINP Cabanting nga ikagkagumaanda aramiden dagiti nagduduma nga addang a mangsabet kadagiti kinakurang dagiti kaagawaanda.//Bombo Noveh Organo
