Bimmaba dagiti bilang ti prank calls a maaw-awat ita ti 911 sigun kenni Dr. Dandeo Halog, iti Emergency Medicals Services iti City Health Services Offices.
Sigun kenni Halog, ti maysa a rason no apay a bimmaba ti kaso dagiti prank callers ket gapu iti panakaipila ti kaso kontra kadakuada
Imbinglay daytoy a mabalin a ma-trace ti 911 control center dagiti indibidual a nag prank call iti nasao nga emergency hotline.
Mainaig iti dayta, inlawlawagna a fully occupied dagiti telephone receivers kadagiti gundaway nga out of reach ti 911 nu agtawag dagiti umili.
Daytoy ket kalpasan ti sumagmamano a reklamo ti umili seknan iti daytoy.
Kabayatanna, impeksa pay ni Dr. Halog a kaaduan a resrespondean dagitoy ita a tawen ket dagiti indibidual a marigatan a makaanges, nakapasar iti seizure, ken abdominal pain.
Kasta pay, kaaduan metlaeng a resrespondeanda ket dagiti trauma cases a gapuanan ti vehicular traffic accident, falling incidents, mauling, ken dadduma pay.
