Kinumpirmar ni Senate Ad Hoc Committee chairperson Sherwin Gatchalian a mangipatumpalen dagitoy iti umuna a panagdengngeg ti komite seknan iti epekto ti krisis iti bumarbara a tensyon idiay Middle East inton bigat, Marso 24.
Inlawlawag ni Gatchalian nga imbestigaran ti komite nu umdas ti pundo General Appropriations Act 2026.
Innayon daytoy nga kasapulan nga adda dagiti nakasangana nga addang ti gobyerno tapno matulongan dagiti direkta a maapapektaran iti epekto ti tensyon kas kadagiti dryber ken motorista.
Pagdandanagan daytoy a posible a maapektaran ti food security gapu iti panangsara ti Strait Hormus , ruta ti international trade, natural gas, ken fertilizer.
Gapu iti kadagsen ti sitwasyon , nangituding daytoy iti hearing uray naka-break ti Kongreso iti Holy Week. Sigun kenkuana, kasapulan a mangisumitir dagiti ahensya ti gobyerno iti contingency plan a mabalin a mapaymaymaysa kas panagsagana ti pagilian para iti worst-case scenarios.
Kagiddan daytoy, insingasing ti senador nga agtipid ti gobyerno, pakairamanan ti panangkisay ti representative expenses. //bombokcs
