Inaprubaran ti senado ti panangdutok kadagiti baro a dadaulo ken miyembro ti sumagmamano a permanent committees kasaruno iti panangaprobar ti mosyon da Senate Minority Leader Alan Peter Cayetano ken Senate Majority Leader Juan Miguel “Migz” Zubiri.
Nadutokan ni Senator Mark Villar kas vice chairperson ti Committee on Agriculture, Food, and Agrarian Reform ken dadaulo ti Committee on Banks, Financial Institutions and Currencies. Kabayatanna, nadutokan met ni Senator Imee Marcos kas dadaulo ti Committee on Cooperatives.
Nadutokan meten dagiti miyembro iti Senate Committees on Constitutional Amendments and Revision of Codes, Economic Affairs, ken Energy no sadino karaman ditoy dagiti miyembro ti minority bloc.
Kabayatanna, insingasing met ni Zubiri pannakadutok ti sumagmamano majority senators kas miyembro ti dadduma a komite pakairamanan ti Civil Service, Government Reorganization and Professional Regulation, Government Corporations and Public Enterprises, Public Information and Mass Media, Public Works, Sports, ken Youth.
Inaprubaran met ni Senate President Sherwin Gatchalian amin a mosyon apaman nga awan ni nag-object manipud kadagiti dadduma a senador. //bombokaren.c.sapirao
