--Ads--
Dumanonen iti dua pulo nga indibidual ti pimmusay idiay Bicol Region gapu iti severe tropical storm Kristine.
Manipud iti nadakamat a bilang, pito ti pimmusay idiay Naga City, lima idiay Catanduanes, uppat idiay Albay ken saggaysa idiay Camarines Norte, Camarines Sur, Sorsogon, ken Masbate.
Pimmusay dagiti biktima gapu iti pannakalmes, panagreggaay ken pannakatnag dagiti kaykayo.
Kabayatanna, uppat met nga indibidual ti mapukpukaw, dua kadagitoy ket nailista idiay Masbate bayat a saggaysa idiay Camarines Sur ken Albay.
Iti agdama ket pakabuklanen a 119,488 nga indibidual wenno 2,517 a pamilya dagiti agtaltalinaed ita kadagiti evacuation centers idiay Bicol Region.
