--Ads--
BAGUIO CITY – Umaw-awaten ti siudad ti Baguio iti 1,000 a turista iti inaldaw.
Sigun kenni Mayor Benjamin Magalong, nailukaten ti Baguio City iti dadduma pay a rehion, manipud Luzon, Visayas ken Mindanao.
Kinunana a naipangaton ti maipalubos a tourist arrivals iti siudad agingga iti 1,000 a turista.
Kabayatanna, kinunana nga addan ti tallo a bus companies a napalubusan a sumrek ditoy siudad manipud National Capital Region, Region 3 ken iti nagduduma a paset ti Region 1.
Kinuna ti mayor a mapalubusan a sumrek iti siudad ti 200 aginggat 250 a pasaheros ngem masapul a sumurot dagitoy iti kondision.
