Kinompirmar ni Senate President Sherwin Gatchalian nga agarup 50 laeng a tugawan ti magun-od ti publiko iti uneg ti kamara no aglukat ti impeachment trial ni Vice President Sara Duterte inton Hulio 6, 2026.
Inlawlawag ni SP Gatchalian a nalimitaran ti seating capacity gaputa nailet iti uneg ti Senate plenary hall.
Iti baet ti limitado nga espasio, inyunay-unay ni Gatchalian nga agtalinaed a silulukat iti publiko ti proseso babaen iti livestream.
Mabuya daytoy babaen kadagiti nagduduma a livestreaming platforms.
Iti agdama, manarimaan ti panangi-pinal dagiti maseknan nga ahensiya iti security measures para iti siguridad kabayatan ti impeachment trial.
Sigun kenni Gatchalian, makikoordinar dagiti Senate personnel kadagiti pannakabagi ti linteg tapno maileppas ti physical setup ken security measures para iti nasao a proceedings.
