--Ads--
Ngimmato ti bilang dagiti awanan panggedan nga indibidual iti pagilian idi Hunio 2026.
Sigun kenni National Statistician ken Civil Registrar General Dennis Mapa, nangatngato ti bilang ti unemployment rate idi Hunio 2026 no idilig iti bilang a nairekord idi Hunio 2025.
Iti laksid ti panagngato ti unemployment rate iti 2.59 million, dimmakkel met ti labor force iti 53.25 Million Hunio 2026.
Ngimmato daytoy manipud iti 52.42 Million idi Hunio 2025 ken 52.13 Million idi Mayo 2026.
Maibasar iti datos, dimmanon iti 50.66 million ti bilang dagiti addaan iti trabaho idi Hunio 2026.
Kabayatanna, agdagup iti 6.11 million dagiti underemployed wenno dagiti empleyado a mangkayat a manayunan ti oras ti panagtrabaho dagitoy.
