Ngimmato iti sangapulo ket maysa ti bilang dagiti validated election-related incidents (ERIs) iti pagilian sigun iti Philippine National Police (PNP).
Sigun iti nasao nga ahensia, siam kadagiti validated election-related incidents (ERIs) ti maibilbilang a “violent” bayat a dua ti “non-violent.”
Kaaduan kadagiti validated election-related incidents (ERIs) ti naireport idiay Bangsamoro Autonomous Region in Muslim Mindanao nga addaan iti lima, sinaruno ti Western Visayas nga addaan iti dua bayat a saggaysa ti validated election-related incidents (ERIs) iti Ilocos Region, Zamboanga Peninsula, Soccsksargen ken Cordillera Administrative Region.
Iti agdama, manarimaan ti validating ti Philippine National Police iti dua a maatap nga election-related incidents (ERIs) idiay Davao Region ken Calabarzon.
