Bimmaba ti kaso ti suicide cases iti siyudad ti Baguio idi napalabas a tawen nu idilig idi tawen 2023.
Sigun kenni Dr. Ricky Ducas Jr., Mental Health and Substance Use Unit Program Manager iti City Health Services Office iti siyudad, adda ti nailista dagitoy a duapulo ket uppat a kaso ti suicide idi napalabas a tawen.
Daytoy ket nabbabbaba nu idilig idi tawen 2023 nu sadino tallopulo ket innem ti suicide cases ti nailista iti nasao a tawen.
Nopay bimmaba ti bilang dagiti indibidual a nagkettel iti bukodda a biyag, kinuna ni Dr. Ducas a nangato latta daytoy a bilang.
Impettengna a rumbeng kuma a zero ti bilang wenno awan kuma ti mailista a suicide cases ita a tawen.
Impeksana a mabalin daytoy a magun-od babaen iti agtultuloy a suporta ti komunidad wenno umili, ken collaborative effort dagiti health workers ken kangrunaan kuma ti suporta dagiti pamilya ti indibidual nga agsagsagaba iti mental health condition.
Kaadoan met kadagiti nailista a suicide cases ket saan a residente iti siudad.
