--Ads--
Dumanonen iti pito nga indibidwal ti pimmusay gapu iti panakaaksidente dagitoy kabayatan ti holiday season.
Iti nasao a bilang, lima dagiti pimmusay a naglugan iti motorsiklo bayat a dua(2)met dagiti pedestrian.
Ti bilang dagiti pimmusay ket manipod iti 1,113 a road crash accidents a nailista iti Department of Health(DOH) manipod kadagiti sangapulo a namonitor a sentinel hospitals sipud December 21, 2025 agingga January 2, 2026.
Sigun iti nasao nga ahensya, ti nasao a bilang dagiti aksidente ket 82% a nangatngato ngem iti nailista idi December 2024 agingga January 2025.
Kabayatanna, 71% iti bilang ti aksidente wenno buklen ti 787 a kaso ket nakairamanan dagiti motorsiklo.
