Manamnama a mapagbalin a 70 agingga 75 ti Barangay iti siudad ti Baguio kalpasan nga immadu dagiti kualipikado a barangay para iti barangay merging.
Sigun kenni Rocky Aliping, presidente ti liga ng mga Barangay, posible a maipatungpal daytoy inton 2030.
Dagiti kualipikado a barangay para iti merging ket dumanon iti nasurok 20, pakairamanan ti barangay Irisan, Camp 7, Bakakeng norte ken dadduma pay.
Sigun kenni Mr. Aliping, napateg a masurut ti umno a proseso iti pannakaipatungpal ti nasao a plano.
Inlawlawagna a kasapulan a pagnanayunen dagiti sumagmamano a barangay gaputa, adda dagiti saan a kualipikado gapu iti kinakurang dagiti residente nga agnanaed.
Mainaig ti dayta, dadduma nga indibidual ti saan nga umanamong iti merging system gapu iti “parokya system”.
Iti baet dayta, inyunay-unay ni Aliping a kasapulan metlaeng ti Barangay merging iti siudad ti Baguio.//Bombo Noveh Organo
