Imbinglay ni Senate President Pro Tempore Panfilo “Ping” Lacson ita nga aldaw a dumanon iti innem ti nagpirma iti partial report iti Senate Blue Ribbon Committee seknan iti kontrobersia iti flood control projects.
Sigun kenni Lacson, karaman iti nagpirma da Senate President Vicente “Tito” Sotto III, Vice Chair Senator Erwin Tulfo, ken da Senador Bam Aquino, Risa Hontiveros, at Kiko Pangilinan, malaksid pay kenkuana.
Kinuna a dua pay a senador ti nangiyebkas ti panagsaganada nga agpirma, bayat a kasapulan a saan a bummaba iti siam a pirma sakbay a maidatag ti report iti plenario.
Inlawlawag metlaeng ni Lacson nga adda dagiti sumagmamano a kameng iti majority bloc a saan pay a nagpirma iti “requests” manipod iti sumagmamano a sigud a kakaduada iti majority.
Innayonna pay a saanna a pilitin ti dadduma a senador nga agpirma ken raraemenna ti desisionda.
