Ngimmaton iti 19 nga indibidual ti pimmusay kalpasan ti tignay protesta idiay Nepal.
Nagpungtot gamin dagiti residente nangruna dagiti agtutubo ti inaramid ti gobierno a panangiserra wenno panangipawil ti social media, kasta metten ti korapsion.
Nagaramat ti tear gas ken rubber bullets dagiti otoridad gapu iti panangpadasda a panangatake dagiti protesters iti parliament building.
Dumanon met iti 100 nga indibidual karaman dagiti pulisia ti nagsagrap ti pannakadangran gapu iti insidente.
Maipalagip a nangitunda iti panagpungtot manipod kadagiti agtutubo ti desision ti gobierno nga i-block ti access kadagiti social media platforms nu sadinno 90% ti nasurok 30 milion nga indibidual idiay Nepal ti agar-aramat ti internet iti social media.
Inlawlawag ti gobierno nga isut gapuna a naipatungpal ti panangipawil ti panagaramat ti social media ket gaputa napaay dagitoy nga irehistro kadagiti otoridad gapu iti saan nga umno a panagaramat karaman dagiti panangwaras dagiti troll accounst a mangiwarwaras kadagiti fake news ken scams.
