Saan paylaeng a nakanselar agingga iti agdama ti birth certificate ni dismissed Bamban, Tarlac Mayor Alice Guo, wenno pagaamo iti Chinese national Guo Hua Ping, dandani sangapulo a bulan sipud idi naduktalan a nangallilaw daytoy, sigun iti Philippine Statistics Authority (PSA ).
Bayat ti panagdingeg nga insayangkat ti Senate committee on justice and human rights iti sumagmamano a gakat a mangpapigsa iti sistema ti civil registration ken vital statistics ti Pilipinas, dinamag ni Senador Sherwin Gatchalian iti PSA maipapan iti kasasaad ti birth certificate ni Guo.
Sigun kenni Clemente Manaog, PSA deputy national statistician, manarimaan paylaeng a maipaspasidong iti ligal a proseso ti birth certificate ni Guo Hua Ping.
Gapu iti dayta, patien ni Senador Gatchalian a mabalin nga aramaten ni Guo ti birth certificate iti panagtarayna ti kina-Mayor gapu iti nabayag a pannakakanselar, iti kanito a kayat ni Guo a tumaray.
Patien dagiti otoridad a nakaala ti Filipino citizenship ni Guo babaen ti late birth registration scheme.
Idi napalabas a tawen, nagpetision ni Solicitor General Menardo Guevarra iti Regional Trial Court of Tarlac tapno makanselar ti birth certificate ni Guo kas maibasar iti pannakapaayna a mangipila ti kasapulan a dokumento a mangsuporta iti naladaw a pannakairehistro ti pannakayanakna.
Iti agdama, nangipila ni Senador Gatchalian ti Senate Bill No. 2914 a mangipaay iti PSA ti pannakabalin a mangimbestigar ken dagos a mangimbestigar ken dagus a mangkanselae kadagiti sertipiko ti pannakayanak a nalawag a peke.
