Imbinglay ni Bishop Oriel Ballano ti panagbisitana iti Senado idi kalman no sadino inkararagna dagiti dadduma a senador.
Iti social media post daytoy, imbinglay ni Bishop Ballano a nagturongda iti Senate House tapno bisitaen ken ikararag da Senate President Alan Peter Cayetano pakairamanan da sigud a Senate President Pro Tempore Jinggoy Estrada ken Senator Mark Villar.
“At the Senate House just to visit and prayed for our SP Alan Peter Cayetano,” sigun iti pablaak ni Bishop Ballano.
Kaduana iti panagbisitana da Pastor Dave Galido, Pastor Fred DeChave, ken Pastor Ike Serapio.
“Lord heal our land as we humbled ourselves and prayed,” innayon daytoy iti pablaakna.
Nakaawat met ti nagduduma reaksyon iti online ti nasao a post no sadino adda dagiti netizens a simmuporta iti panangikararag kadagiti dadaulo iti pagilian. //bombokaren.c.s
