Pinadayawan ti Philippine Red Cross Baguio City Chapter ti Bombo Radyo Baguio gapu iti nasurok 20 years a partnership a panangisayangkatda ti Blood letting iti siudad ti Baguio.
Nakaipaay metten ti 2,925 blood units ti Bombo Radyo Baguio iti nasao a organization babaen ti tinawen a Dugong Bombo.
Naobserbaran metlaeng iti napalpalabas nga adu dagiti natataengan nga agidondonar iti dara nu idilig kadagiti agtutubo.
Nupay kasta, agkurkurang latta ti suplay ti dara kadagiti hospitals iti siudad ken iti metlaeng Red Cross Baguio Chapter gapu paylaeng ta adu dagiti pasyente nga agkasapulan.
Kabayatanna, al-alukuyen met ti Red Cross Baguio Chapter dagiti umili a mangidonar iti dara uray awan ti kasukat iti daytoy.
Kagiddan dayta, nagyaman met ni Atty.Carlos Calinao Chairman ti Red Cross Baguio Chapter iti Bombo Radyo ken namnamaenna nga agtultuloy ti panagkadwa tapno adu pay ti matulungan.
