Ramrambakan ita nga aldaw, Hulio 6, 3036 iti Bombo Radyo Philippines ti pakasaritaan iti maika-60 nga anibersario daytoy—innem a dekada nga awanan sarday a panagserbi iti Pilipino babaen iti patas, napartak, ken mapagtalkan a pangipadamag.
Manipod idi naibangon idi Hulio 6, 1966 iti visionary founder a ni Don Marcelino M. Florete Sr. ken iti panangidaulo ni Dr. Rogelio M.
Florete, Chairman iti Bombo Radyo Philippines, dimur-as ti Bombo Radyo manipod iti maysa nga istasion paturong iti kabilegan ken mapagtalkan a radio network iti pagilian. Iti agdama, addaan daytoy iti 32 a digitalized nga AM ken FM stations iti 25 a kangrunaan a lugar iti Pilipinas.
Iti uneg iti innem a dekada, nagbalin a napateg a paset iti biag iti minilmilion a Pilipino ti Bombo Radyo. Iti panawen iti didigra, eleksion, national crisis, ken kadagiti panagrambak, agtaltalinaed daytoy a kangrunaan a pagtataudan iti damag, impormasion, komentaryo, ken serbisio publiko.
Iti labes iti broadcasting, agtultuloy metlaeng ti panangitandudo iti network dagiti programa a mangipapaay iti direkta a serbisio kadagiti umili a kas iti Bombo MEDICO- ti medical, dental ken optical program, DUGONG BOMBO- ti nationwide blood letting campaign, ken BOMBO MUSIC FESTIVAL a mangitantando iti Original Pilipino Music.
Mabigbigbig metlaeng ti Bombo Radyo Philippines iti nagduduma nga institusion gapu iti kinalaing daytoy iti broadcasting. Karaman ti pannakabigbig iti Bombo Network News kas Best News Program iti Catholic Mass Media Awards idi 2024 ken 2025, kasta metlaeng ti panangbigbig kas Radio Network of the Year iti Rotary Club of Manila iti 2026 Pro Patria Journalism Awards.
Iti panangrambak iti maika-60 nga anibersario, patibtibkeran iti Bombo Radyo Philippines ti kari daytoy nga agtalinaed a numero uno ken mapagtalkan a pagtataudan iti damag ken impormasion—agtultuloy a mangitaltal-o iti balanse a komentaryo, patas a panangipadamag, ken addaan kaipapanan a serbisio publiko para iti tunggal Pilipino.
Iti uneg iti innem a pulo a tawen, maymaysa laeng ti nagan nga agtaltalinaed a kadua dagiti Pilipino—Bombo Radyo Philippines. Maysa a nagan a pudno a nagbalin a A Way of Life for Filipinos.
BASTA RADYO… BOMBO!
