--Ads--
Temporaryo nawaya-wayaan ni sigud a senator Ramon “Bong” Revilla Jr., kalpasan a nagpiyansa iti P1 Million iti Sandiganbayan.
Sumangsango ni Revilla iti malversation case gapu iti isyu seknan iti P92.8-million a ghost flood control project sadiay Pandi, Bulacan.
Sigun iti Sandiganbayan, nagpiyansa ni Revilla nga addaan iti Official Receipt No. JEPS-2026-000179958 idi July 31, 2026.
Kinumpirmar ti Bureau of Jail Management and Penology (BJMP) a napalubusan ni Revilla manipud iti Quezon City Jail Male Dormitory sadiay Payatas idi Biernes, July 31, 2026.
Inlawlawag ti Sandiganbayan a napatgan ti temporaryo a pannakawaya-waya ni Revilla gapu iti pannakapaay ti prosekusion a mangidatag iti nadagsen nga ebidensia kontra iti sigud a senador.
