--Ads--
BAGUIO CITY – Nangabak kas ‘best film’ iti kaleppas a 2020 Cinemalaya Philippine Independent Film Festival ti pelikula mainaig iti ayan-ayat ti maysa nga igorot a lalaki a managan Limmayug manipud Bontoc, Mt. Province ken maysa nga aktres idi 1950s a napupuk iti uneg ti maysa a telebisyon.
Napauluan ti nasao a pelikula iti ‘Tokwifi’ nga indirehe ni Carla Pulido Ocampo ken nagbidaan da Adrienne Vergara ken Kurt Ayeo-eo Lumbag Alalag.
Napangabakan pay ti ‘Tokwifi’ ti Network for the Promotion of Asian Cinema Jury Prize.
Maitampok metlaeng ti nasao a pelikula iti Minikino Film Week ti Bali International Short Film Festival.
