BAGUIO CITY – Temporaryo a naipaserra ti Botanical garden ita nga aldaw, (February 10 ) agingga inton Pebrero a dose iti agdama a tawen.
Naipaserra daytoy para iti pinal a pannakaileppas ti kannayonan a mabuya ken proyekto a ” Fifty Shades of Bloom: A Botanical Garden Panagbenga Edition.”
Iti nasao a proyekto, manamnama ti pannakaikabil dagiti kanayonan a silaw.
Ti panagbalbaliw ti nasao a tourist spot ket paset ti Panagbenga festival nga addaan pay iti panggep a mangidiaya iti peaceful retreat para kadagiti umili ken turista.
Malaksid iti illuminated landscapes a pagdalanan ti Botanical Garden, adda dagiti agarup singkwenta a photographers a partner ti City Environment Parks and Management Office (CEPMO) tapno mai-feature dagiti agkakapintas a landscapes dagitoy.
Manamnama a mailukat ti Botanical Garden inton February 13 iti alas sais agingga iti alas onse ti malem kagiddan ti programa nga isayangkat dagiti maseknan nga indibidual.
Kabayatanna, maguyguyuguy dagiti turista ken umili iti nasao nga aldaw a makipagrambak ken agbuya iti mapadpadaanan a panagbalbaliw ti Botanical Garden.//Bombo Novey Organo
