Adadda a pinaregta ti Philippine National Police (PNP) ti panagbantayda kadagiti merkado publiko gapu iti damag a bumayag laengen iti 25 nga aldaw ti suplay ti Liquified Petroleum Gas (LPG) iti pagilian.
Kadua daytoy ti Department of Energy (DOE) ken Department of Trade and Industry (DTI) iti panangsigurado nga awan kadagiti negosyante ti manggundaway iti pangta a krisis.
Immuna meten a kinumpirmar ni Energy Secretary Sharon Garin a mapaspasaran ti kinakurang ti suplay ti nasao a produkto iti pagilian.
Imbinglay met ni Police Brigadier General Randulf Tuaño a nangibaban ti nalawag a direktiba ni PNP Chief, Police General Jose Melencio Nartatez Jr.
Binilinna ti kapulisan a suportaran dagitoy ti panangtutok iti presyo dagiti basic needs iti merkado partikular iti produkto a petrolyo.
Tapno maipasigurado ti kinaurnos, dinutokan ti PNP dagiti dadduma a personnel nga agserbi kas Market Watchdog. //bombokaren.c.s
