Inwaragawag ti House prosecution panel idi Sabado ti posibilidad a maiturong iti Department of Justice (DOJ) ken iti Office of the Ombudsman ti bribery allegations kontra kenni Vice President Sara Duterte.
Daytoy ti kinuna ni House lead prosecutor Representative Gerville Luistro, kalpasan a nangipila ti House prosecution team iti manifestation iti Senate impeachment court a mangikkat iti Article III wenno bribery allegations iti impeachment trial ti Bise Presidente.
Sigun kenni Luistro, iturongda iti Ombusman wenno DOJ no kasapulan tapno dagitoyen ti mangisayangkat iti preliminary investigation para iti pannakaipila ti kaso seknan iti bribery kontra kenni Duterte ken opisiales ti Department of Education (DepEd).
Iti agdama, impresenta itan ti House prosecution panel dagiti ebidensiya iti tallo kadagiti uppat nga articles of impeachment kontra kenni VP Sara Duterte.
