--Ads--
Pinaglibakan ni Vice President Sara Duterte ti alegasyon nga agtagikua iti franchise ti maysa kadagiti kalatakan a fast-food restaurant.
Sigun iti bise presidente, awan ti kukuana nga anyaman a franchise.
Inaklun daytoy a sigud a nag-invest iti maysa a kompanya a paset ti lehitimo nga organisasion ti negosio a kukuan ken imanmanihar dagiti sumagmamno nga indibidual.
Kabayatanna, pagdandanagan metlaeng ti bise presidente ti maatap a panangpunterya iti lehitimo a negosyo a mangituntunda iti pannakadadael ti repotasyon ken komersiyal nga interes.
Maipalagip a nainaig kenni Duterte ti maysa a nalatak a fast-food restaurant iti forensic financial report nga imparang ni analyst Alexander Cabrera kabayatan ti impeachment trial ti bise presidente.
