Manamnama nga agsubli iti Pilipinas ni British pop singer a ni Anne-Marie kas paset iti “Live in Asia” tour daytoy inton umay a tawen.
Maikatlo ti Manila a pagpasyaran ti singer kalpasan ti Tokyo ken Osaka idiay Japan a pagturungan daytoy.
Sigun iti singer, kalpasan ti Pilipinas, dagos nga agturong daytoy idiay Singapore, Hong Kong ken Taiwan.
Mangrugi ti “Manila leg” tour ti singer inton Setyembre 28 iti Podium Hall idiay Mandaluyong.
Mailako ti ticket daytoy mangrugi inton Mayo 24 iti oras ti alas 12 iti tengga ti aldaw.
Maipalagip a nagkonsyerto ni Anne-Marie iti Pilipinas idi Setyembre 2022 idiay New Frontier Theater iti “Dysfunctional” tour daytoy idi intandudona ti umuna a dua nga album a napauloan iti “Speak Your Mind” ken and “Therapy.”
Limmatak ken nalaing ti singer iti sonatana a napauloan iti “2002,” “Rockabye” kaduana da Clean Bandit ken Sean Paul, , “Friends” kaduana iti Marshmello, “Baby Don’t Hurt Me” kaduana da David Guetta ken Coi Leray, “Alarm,” “Ciao Adios,” ken ti panag-coverna iti “Rewrite the Stars” manipod iti “The Greatest Showman.”
