Naduktalan manipud iti Sumbong sa Pangulo website dagiti top three a lugar a kaaduan iti flood control projects manipud July 2022 agingga May 2025 daytoy ket ti Bulacan, Cebu ken Isabela.
Rank 1 ditoy ti Bulacan a nakaawat iti 668 a proyekto nga agbalor iti P43.8 billion, rank 2 ti Cebu nga addaan iti 414 a proyekto nga agbalor iti P26.7 billion ken Isabela nga addaan iti 337 a proyekto nga agbalor iti P22.8 billion
Malaksid iti dayta, naduktalan metlaeng manipud kadagiti nasao a proyekto a dagitoy dagiti kaadduan nga inala dagiti 15 a contractors nga addaan iti kaadduan a flood control projects iti pagilian.
Maipalagip a naiyuswat ti Sumbong sa Pangulo website dua a lawas kalpasan nga inkari ni President Ferdinand “Bongbong” Marcos Jr. nga imbistigaranna dagiti substandard flood control projects.
