BAGUIO CITY – Nainget a konkondinaren ti SK Federation iti siudad ti Baguio ti amin a kita ti bullying iti pagadalan.
Iti pannakiuman ti Bombo Radyo kenni John Rey Mananeng, Presidente ti SK Federation iti Baguio City, kinunana nga awan ti lugar ti bullying kadagiti pagadalan.
Innayonna a dagiti pagadalan ket rumbeng a safe space iti amin, isu’t gapuna nga adu ti tutukan ti pagadalan seknan iti bullying.
Maibasar iti datos ti nagduduma nga ahensiya ti gobierno iti siudad, nasurok no iti tallo ti insidente ti bullying kadagiti nagduduma a pagadalan.
Sigun kenni Mananeng, maysa a makitkita a pangrugian ti bullying ket ti kinnaritan; saan a panagkinaawatan ti estudyante; panang-asar; epektpo ti aglawlawaw, family background; impluwensya ti social media ken dadduma pay.//mp4
