Naobserbaran a dagiti kangrunaan a lokasyan a kursunada a turungen dagiti turista nangruna tunggal rabii ti Burnham Park. Maikadua met a kaykayatda a turungen ti Botanical Garden, ken maikatlo ti Stone Kingdom.
Iti interview iti Bombo Radyo kenni Police Major Kurt Pacificar, Chief iti Baguio City Police Office-Tourist Police Unit,imbinglayna a dagiti nadakamat a pagpasyaran ti kadawyan a salsaludsuden dagiti turista maibasar iti panagpatrolya dagitoy.
Sigun iti monitoring dagti kameng iti nadakmat nga opisina,paborito a pagturturungan dagiti turista ti Burnham Park, nangruna ta ditoy a masarakan ti Christmas Market, parikular iti Rose Garden.
Mainaig iti dayta, saan a mailaksid dagiti turista nu dagitoy ket aglabsing kadagiti pagalagadan iti trapiko nu sadino,kinuna ni PMaj. Pacificar a maipaayan dagitoy iti citation ticket dagiti turista nu matiliwanda nga ag-obstruct iti kalsada. Sigun kenni Pacificar,turista, bisita wenno residente man iti Baguio City ket maipaayan iti citation ticket iti kanito a makita nga ag-obstructda iti kalsada.
Iyunay-unay pay ti nasao nga opisyal nga awan ti maipaayan iti konsiderasyon kadagiti matiliwan nga iligal nga agparada iti siudad.//mp4
