Imbinglang ti Staff members daydi Department of Public Works and Highways (DPWH) Undersecretary Maria Catalina Cabral a pwersado nga inala ni Batangas 1st District Rep. Leandro Leviste dagiti dokumento manipud kenni Cabral.
Maatap a nangitunda daytoy iti “paper cut” iti ramay daydi sigun nga Undersecretary.
Malaksid iti dayta, maatap nga ilegal nga inkopya ni Congressman Leviste dagiti dokumento manipud iti Computer ni Cabral idi September 4, 2025.
Nupay kasta, binaglibakan daytoy ni Leviste iti baet nga inaklonna a nagturong iti opisina ni Cabral kalpasan a binisitana ti masya nga assistant secretary ti DPWH.
Mainaig iti dayta, kinuna ni Leviste a ti inaramidna ket adda ti pammalubos ni DPWH Secretary Vince Dizon.
Iti baet dayta, pinaglibakan daytoy ni Dizon.
Sigun paay kenkuana, saana a na-validate dagiti Cabral files gaputa saanna pay a nakita no ania dagitoy a dokumento.
