--Ads--
Temporaryo nga inparekep ti Department of Environment and Natural Resources (DENR) ti Campsite 1 ken 2 sadiay Mount Pulag kalpasan a naobserbaran ti ado a basura a nagkaiwara iti daytoy.
Daytoy ket iti laksid dagiti maipatpatungpal a panagdalus iti nasao a pagpasayaran.
Ti panakaiparekep dagiti nasao a campsite ket para iti rehabilitasyon daytoy.
Maal-allukoy met dagiti amin a bisita nga obserbaranda ti “Leave No Trace principles” ken ti panangpreserba iti natural beauty ti Mt. Pulag.
Kabayatanna, naituding a maipaayan iti pannusa dagiti campers a maduktalan a mangiwarwara iti basura dagitoy.
Naituding met a ti panakailukat ti Campsite 1 ken 2 ket maipakaamo no daytoy ket malpas a marehabilitate.
