--Ads--
BAGUIO CITY – Manayunan iti P200 ti gatad nga aw-awaten dagiti amin a benepisyaryo ti Pantawid Pamilyang Pilipino Program (4Ps) ti gobyerno.
Sigun kenni Department of Social Welfare and Development (DSWD) – Cordillera regional director Janet Armas, paset daytoy ti subsidiya nga ipaay ti gobyerno kadagiti nakukurapay a pamilya iti pagillian kagiddan iti implementasion ti baro a tax reform law.
Nupay kasta, kinunana a saan pay laeng a nangrugi ti pannakaipaay ti nasao a kanayunan a subsidiya.
Impalawagna a daytoy ket gaputa awan paylaeng ti naipaulog a pagalagadan para iti nasao a banag manipud iti DSWD – Central Office.
Naamuan a nasurok 60,000 ti bilang dagiti regular a benipisaryo ti 4Ps iti entero a rehion Cordillera.
