Saanen a makulong ni Cassandra Li Ong, ti dokumentado nga opisyal ti Lucky South 99 Philippine Offshore Gaming Operators (POGO) firm sadiay Mandaluyong kalpasan a naibabawi ti maikadua a contempt citation daytoy.
Nu pay kasta, agtalinaed ladta daytoy iti kustodiya ti House of Representatives.
Immuna met a na-cite in contempt ni Cassandra Li Ong, ti dokumentado nga opisyal ti Lucky South 99 Philippine Offshore Gaming Operators (POGO) firm kalpasan ti saanna a panagsungbat kadagiti damag dagiti mamanday-linteg.
Daytoy ket kalpasan nga agpapada a ti sungbatna kadagiti damag ti House Committee ket “I refuse to testify” wenno ti “I envoke my right to remain silent.”
Gapu iti dayta, nag-adoptar ti committee iti dua a motion a mangidetain kenni Ong iti Women’s Correctional Facility sadiay Mandaluyong City agingga nga agleppas ti imbestigayon maipapan kadagiti krimen nga adda kainaiganna iti Philippine Offshore Gaming Operators (POGO).
Nu pay kasta, nagdanag ni Ong idi mangeganna ti panakakulong daytoy sadiay Mandaluyong.
Inyebkas ni Benny Abante, maysa mamanday linteg a silulukat daytoy a mangwithdraw iti panaka-contemptna nu daytoy ket ummanugot nga agtestigo.
Immapela met ni Ong iti kanayunan nga oras tapno pagdesisyonnanna ti nasao a banag.
Maipalagip a ni-raid dagiti otoridad ti Lucky South 99 sadiay Porac, Pampanga gapu kadagiti maatap nga iligal nga aktibidad a maipatpatungpal sadiay.
