Sinuspendir ti innem a bulan ti Office of the Ombudsman ni Cebu Governor Gwen Garcia.
Daytoy ket pakainaiganna iti kaso iti panangipaayna ti special quarry permit iti maysa a construction company a saannan a sinapulan ti environmental compliance certificate (ECC) ken dadduma pay a dokumento.
Uppat a panid ti inruar ti Office of the Ombudsman idi Abril a tres ken sinuspindirda nga awan ti bayad iti uneg ti innem a bulan ti gobernador.
Inlawlawag ti Ombudsman a ti suspension ket mabalin a maikkat iti aniaman nga oras nu malpasaen ti imbestigasion wenno daytoy ket maibasuran.
Uray suspendido ket inlawlawag ti Commission on Election (COMELEC) nga agtalinaed latta ni Garcia kas kandidato iti Mayo 12.
Innayon pay ti COMELEC a saan a makaapektar ti suspension daytoy iti panagkandidatona manen.
