Saanen nga inawat ni Senator Francis “Kiko” Pangilinan ti naidiaya kenkuana a panangidaulo iti Senate Blue Ribbon Committee.
Sigun kenni Senator Pangilinan, saan a nainsiriban nu awatenna pay ti nasao a chairmanship gapu ta tallo a komite ti agdama nga idadauloanna pakairamanan ti Committee on Agriculture, Food, and Agrarian Reform, Committee on Justice and Human Rights, ken ti Constitutional Amendments and Revision of Codes.
Impettengna a nasaysayaat nu agpokus daytoy iti agdama nga idadaulonna partikular iti food security ken iti sektor iti agrikultura nangruna ket dumanonen iti 15 a tawen ti nabusbosna a nagserbi iti daytoy.
Maipalagip nga idi kalman, innaganan ni Senate President Vicente Sotto III dagiti senador a makitkitana a mabalin a sumukat kenni sigud a Senate Blue Ribbon Committee Chair Panfilo Lacson kalpasan a naglusulos daytoy.
Pakairamanan daytoy da Senator JV Ejercito, Senator Raffy Tulfo, Senator Kiko Pangilinan, Senator Pia Cayetano, ken ni Senator Risa Hontiveros.
Idi laeng Lunes, pormal a naglusulos ni Senator Lacson kas dadaulo iti nabileg komite iti Blue Ribbon kalpasan a nakaawat iti pammabalaw ken panagdu-dua manipod kadagiti kapadana a senador seknan iti panangidaulona kadagiti panagdengngeg partikular dagiti naanomalyaan a flood control projects.
