Patien ti Department of Foreign Affairs (DFA) a saan a makatulong ti relasyon ti Pilipinas ken China ti panangi-ban ti Beijing kadagiti opisyal ti Kalayaan, Palawan.
Immunan nga in-ban ti China ti agarup 16 nga opisyal ti Kalayaan iti nasao a pagilian pakairamanan ti Hongkong ken Macao kalpasan nga indeklara ti Kalayaan, Palawan a persona non grata ti Chinese Ambassador ni Jing Quan gapu iti maatap a pananglabsing daytoy iti diplomatic protocol ken pannakibiangna iti internal affairs ti Pilipinas.
Sigun iti Department of Foreign Affairs (DFA) , bayat a karbengan ti maysa a pagilian a mangipatungpal iti travel ban, saan daytoy a makatulong iti bilateral relations ken people-to-people exchanges iti nagbaetan ti Pilipinas ken China. // Bombo Karen Calpoe Sapirao
