--Ads--
Impakaammo iti China a mangimuntar daytoy iti national nature reserve iti Scarborough Shoal wenno Bajo de Masinloc.
Sigun iti State Council ti China, ti panakaaramid ti reserve ket napateg para kadakuada tapno mapagtalinaed ti diversity, stability, ken sustainability ti natural ecosystem iti Huangyan Island- maysa a triangular chain dagiti reefs ken batbato.
Malaksid iti dayta,patienda a babaen iti daytoy ket mapaingtan pay ti supervision ken law enforcement dagitoy kadagiti iligal ken irregular nga aktibidad a patienda a maipatpatungpal sadiay.
Maipalagip a ti nasao a paset iti taaw ket mapagsusupiatan nu sadino,kayat a tagikua-en ti China ti pakabuklan daytoy iti baet a saanen a maitunos ken malablabsingen ti international law.
