Pinaglibakan ti Ministry of Foreign Affairs ti China nga ada pakainaiganda iti panangipablaak iti viral AI-generated video nga impablaak ti China Daily, maysa nga state-run media outlet a nangiladawan kadagiti Pilipino kas bakes.
Kagidan daytoy iti panangbabalawda iti 2016 Arbitral Award ti West Philippine Sea (WPS).
Sigun kenni Chinese Foreign Ministry spokesperson Lin Jian, saan daytoy a mangipaay ti komento ngem inlawlawagna a saan daytoy nga aramid ti gobyreno ti China.
“About the video you mentioned, this is not an act of the government. I have no comment on that,” pahayag ni Lin Jian.
Nupay kasta, impettengna manen ti nabayagen a posisyon ti Beijing no sadino saanda a bigbigbigen ti 2016 South China Sea arbitral ruling nga inawaganna kas ilegal ken awanan bileg.
Immuna metten a kinidaw ti Department of Foreign Affairs (DFA) iti nasao nga state-run media outlet a maikat ti nasao a bidyu iti social media.
Maipalagip metlaeng a binabalaw ti nagduduma nga opisyales ti nasao a video ken impettengda a maysa daytoy a klase ti panang-insulto ken panangtagibasit kadagiti Pilipino. //bombokaren.c.sapirao
