Nagpatayab dagiti Chinese forces ti flares asideg ti Philippine Coast Guard (PCG) aircraft kabayatan iti maritime domain awareness (MDA)flight nga insayangkat ti nasao nga ahensiya idiay Kalayaan Island Group idi kalman, Marso 20.
Agsawsawar ti Philippine Coast Guard Cessna Caravan iti asideg ti Mischief Reef wenno Panganiban Reef-maysa kadagiti kadakelan nga air and naval base ti China idiay West Philippine Sea iti nakaawat ti Cessna ti radio challenge manipud kadagiti Chinese sadiay.
Malaksid iti dayta, nangipatayabda pay ti flare asideg ti nasao nga aircraft manipud iti military facility.
Nakalugan iti nasao nga aircraft ni Philippine Coast Guard spokesperson Rear Admiral Jay Tarriela kauda dagiti dadduma a PCG personnel, Kalayaan local officials, ken journalists.
Sigun kenni Tarriela, kasapulan nga iyunayunay ti pagilian nga awan ti karbengan ti gobyerno ti China iti Panganiban Reef gapu ta karaman daytoy iti exclusive economic zone ti pagilian. //bombokcs
