--Ads--
Impakaammo ti Civil Service Commission (CSC) a mangipaay dagitoyen ti Overseas Filipino Workers–Preference Rating (OFW-PR) kadagiti kwalipikado nga overseas Filipino workers kas panangbigbig iti serbisyo ken sakripisyo da.
Maibasar iti CSC Resolution No. 2600596, dagiti OFW a makaala iti general rating a saan a bumaba iti 70.00 civil service examination ket mabalin a maipaayan ti kanayunan a puntos.
Maipatungpal ti baro a polisiya manipud Agosto 9, 2026 Civil Service Examination.
Sigun iti CSC, panggep ti nasao nga addang a bigbigen ti dedikasyon, professionalism, ken serbisyo ti OFW ken ipaayan dagitoy iti oportunidad a makauneg iti serbisyo publiko kas “Lingkod Bayani. “
Karaman kadagiti kwalipikado ket dagiti sumaganad:
- OFW a mannarimaan, sigud,ken adda panggepna nga agtrabaho wenno agsubli iti sabali a pagilian.
- OFWs a saan a bumaba iti lima a tawen nga overseas employment manipud 2000 agingga ita, tuloy-tuloy man wenno saan.
- OFWs a nakaala ti civil service exam manipud Agosto 9 ita a tawen ken nakaalan iti rating a saan a bumaba iti 70.00.
Mabalin met nga agaplikar dagiti OFWs nga adda kontratana ngem saan paylaeng a naka-ikikkat iti pagilian.
Sigun iti Civil Service Commission, mabalin nga agaplikar dagiti kwalipikado kadagiti anyaman a klase ti trabaho ken pagilian. //bombokaren.c.s
