Inwaragawag ni Senate finance committee chairperson JV Ejercito nga imbitaran dagitoy ti civil society organizations (CSOs) nga agobserbar iti bicameral conference committee deliberations ti singasing a P7.2-trillion national budget para iti fiscal year 2027.
Sigun kenni Ejercito, makatulong ti obserbasyon ti civil society organizations tapno masukimat a nasayaat ti anyaman a last-minute insertions kabayatan ti bicam.
Maipalagip a nangisayangkat ti Senate panel iti hearing kadua ti civil society organizations no sadino, napagsaritaan dagitoy ti rekomendasion ken pakaseknan iti 2027 budget.
Nagballaaag metlaeng ti People’s Budget Coalition (PBC) kontra kadagiti mapagduaduaan a pondo iti sidong ti naisingasing a pondo.
Kabayatanna, inyunay-unay ni Ejercito a kayatna a siguraduen nga amin a kuarta iti 2027 budget ket addaan iti transparency.
Naimbitaran metlaeng ti publiko nga agaramat iti digital tools nga inaramid ti civil society organizations tapno masukimat dagiti budget documents.//
