Guyguyugoyen ti Malacañang dagiti indibidwal a nadakamat kas co-perpetrators ni sigud a presidente Rodrigo Roa Duterte iti sangsangwenna a kaso nga crimes against humanity iti International Criminal Court (ICC) a saanda nga aglemeng ken sangwenda dagiti akusasyon kontra kadakuada nu patienda nga inosente dagitoy.
Numan pay awan pay laeng ti naaw-awat ti gobyerno nga opisyal nga arrest warrants, inlawlawag ni Palace Press Officer Claire Castro a posible a maarestar dagiti nadakamat nga co-perpetrators ken mai-surrender iti ICI babaen iti International Criminal Police Organization (Interpol) kas iti napasamak kenni sigud a president Rodrigo Duterte, Marso idi napalabas a tawen.
Karaman kadagiti nadakamat nga walo a co-perpetrators da Senators Christopher Lawrence “Bong” Go ken Ronald “Bato” dela Rosa nga agingga ita ken saan paylaeng a nagparparang iti senado. // Bombo Karen Calpoe Sapirao
