Kinumpirmar ni Commission on Audit Auditor Tracy Ann Sunico a manarimaan itan ti panakaipinal dagiti fraud audits tapno mapilaanda iti kaskenan a kaso dagiti indibidwal nga adda pakainaiganna iti kontrobersyal a ghost flood-control projects.
Sigun iti COA, posible a maipila ita a bulan dagiti kaso kadagiti respondents a mabalin a pakairamanan dagiti management officials iti Department of Public Works and Highways ken dagiti government contractors.
Launen dagiti fraud audits ti resulta dagiti inspection kas iti klase iti maatap a fraud, dagiti ebidensya, ken dagiti responsable iti daytoy.
Ti tignay ti COA ket kasaruno ti panag-akusar ni Senator Ronald “Bato” Dela Rosa iti saan daytoy a panang-lapped kadagiti ghost flood-control projects sakbayda a naiyimplimintar.
Kabayatanna, inlawlawag met ni Sunico a naipaayanen iti notices of disallowances dagiti kompanya a saan a nakaisumitir kadagiti disbursement vouchers dagitoy.
