Natiliw ti maysa a bulk carrier a bandera ti Norwegian nga addaan ti Pilipino crew idiay South Korea kalpasan a sinukimat ken nakumpiskar dagiti lokal nga otoridad ti cocaine manipud iti barko.
Daytoy ket kinumpirmar ti Department of Foreign Affairs (DFA) idi kalman.
Sigun kenni DFA Undersecretary for Migrant Affairs Eduardo de Veg, dakkel a gatad ti cocoine a nasarakan ti uneg ti barko.
Adda metten ti abogado ti kompania ti barko ken kinuna ni Eduardo nga ur-urayenda laengen ti report manipod iti ambassador idiay Oslo ken Seoul, South Korea.
Maibasar iti online vessel trackers, nakasangpet ti barko nga M/V Lunita iti sangladan ti Okgye, South Korea idi Abril 1.
Sumagmamano met kadagiti report ti mangibagbaga a ti barko ket nagtaud manipod iti South America ken sinukimat daytoy ti Korea Coast Guard and Seoul Regional Customs Office gapu iti “tip” manipod iti US Federal Bureau of Investigation (FBI).
Sigun kadagiti report, naduktalan dagiti otoridad ti South Korea ti lima a pulo a pakete a naglaon ti duapulo a kilo ti tunggal maysa iti maysa a tonelada, a mapattapatta nga aggatad iti $340 milion.
Iti agdama, nakasanglad ti barko iti sangladan, a nakasakay ti amin a crew a Pilipino.
