Tarigagay ti lokal a gobyerno iti La Trinidad,Benguet a mangilukat iti coffee picking iti nasao a munsipyo.
Iti panakiuman ti Bombo Radyo kenni Councilor Belmer Elis iti Committee on Tourism, ti coffee picking ket ti panangipakita iti actwal a proseso iti panagaramid iti kape kas iti roasting ken brewing wenno ti Do It Yourself (DIY) kadagiti coffee farms.
Panggep ti nasao nga aktibdad a guyuguyen dagiti interesado nga agmula iti kape tapno ad-adda pay a mapaado ti produksyon iti daytoy partikular ti Arabica Coffee.
Sigun kenni Elis, mabalin a maipatungpal daytoy babaen iti partnershipda kadagiti coffee growers ken producers iti nasao a munsipyo.
Imbinglay ti opisyal nga adda dagiti coffee farms a pakaisaysayangkatan iti coffee farm tour kas iti adda sadiay Longlong ken iti Benguet State University-La Trinidad.
Sigun kenni Elis,napintas a maaddaan iti engagement dagiti sumarungkar babaen iti panangpadasda nga agburas,agikirog ken agiluto iti kape.
Inlawlawagna a babaen iti panangipakita iti manual a proseso ti kape kadagiti coffee farm ket ad-adda a maguyugoy dagiti turista wenno bisita, a mabalin metlaeng a makatulong iti panakapadur-as iti turismo sadiay.
Malaksid iti data, adu dagiti inobasyon a mabalinda nga ipatungpal kas iti panakabukkel iti directory kadagiti coffee shops.
Kabayatanna, malaksid iti dayta, tarigagayda metlaeng nga ag-export iti kape a mapapataud sadiay La Trinidad iti international market.//Bombo Genzel depayso
